26.10.2017 во 11:21:35
Почитувани, Би сакала да Ве потсетам за проблемот со кој подолго време се соочуваме станарите од ул. Методија Шаторов Шарло бр. 6,8 и 10. Имено, веднаш до нашите згради бесправно беше поставен склад со механизација која беше користена при изградба на околни објекти. За тоа многу пати реагиравме, за жал без успех. Конечно, складот е отстранет но сега се појавува уште посериозен проблем. Сведоци сме на нерасчистен градежен шут и остатоци од ѓубре на само неколку метри до нашите влезови, нешто што е на лесен дофат на нашите деца и уште полесно може да се претвори во локална депонија. Ве молиме, најитно да се испратат екипи да се расчисти локацијата која инаку е планирана да прерасне во убав зелен појас. Однапред Ви благодариме за Вашата навремена реакција.
Статус: Одговорено
Тип на барање: Хигиената во населените места: градежен шут и отпад