10.03.2022 во 12:20:06

Почитувани, Ви се обраќам од името на Танцово Здружение ИКС НА КВАДРАТ, Скопје. Здружението работи и твори во областа на перформативните уметности и има за цел партиципација во културно-забавни и танцови активности на ниво на целата држава, промовирање и афирмација на танцот, различните видови танци и танцовата култура кај сите граѓани, од сите општествени групи и заедници како и популаризација на танцот како култура на живеење, но и како рекреативна активност помегу граѓаните. Во изминатата година здружението имаше свој придонес преку три авторски сценски проекти кои беа изведувани низ повеќе градови на земјата и резултираа со многу позитивни реакции од публиката. Здружението има свое седиште во Општина Аеродром и со таа цел се обраќам кон вас, бидејќи ми се потребни дополнителни информации на кој начин истото може да аплицира за проекти односно настани од областа на културата и уметноста на општинско ниво и каде може да се информираме за условите кои еден таков проект треба да ги исполнува. Однапред ви благодарам за времето. Со почит, Јована Зајкова

Статус: Одговорено
Тип на барање: останато