06.06.2013 во 16:16:05

Почитувани, Денес официјално беше означен почетокот на изградбата на новопроектираните улици покрај булеварот „Трета македонска бригада“, која опфаќа комунална инфраструктура, поточно атмосферска и фекална канализација, водовод и на крај асфалтирање на улиците и тротоарите. Исто така за улицата „Васко Карангелевски, веќе се нарачани сообраќајните проекти. Потоа тие треба да се изработат, па да се распише тендер за изведба, така што се очекува да се почне со нејзината изградба при крај на оваа година. Во постапка е, исто така, и изградбата на водоводната мрежа, со која ќе се напојуваат овие згради. Објавен е и тендер за парно греење што ќе оди паралелно со „Трета македонска бригада“, така што тие што ќе ги прават секундарните приклучоци на парното греење треба паралелно да работат на тоа за да можат не есен да се приклучат. Новите сервисни улици со паркиралишта ќе опфатат околу 13 илјади квадратни метри вкупна површина. Се очекува овој проект да се реализира до крајот на годинава. Градежните активности ги изведуваат фирмите „Трансмет“, „МГИ Инвест“ и „Бибај“. Во следната фаза, пак, се планира и целосно и осветлување на улиците. Со почит, Општина Аеродром

Назад