07.08.2013 во 14:37:23

Почитуван г. Димитар Чичов, Во врска со Вашата порака испратена до Општина Аеродром, која се однесува на осветлувањето на кошаркарското игралиште во ОУ „Лазо Ангеловски“ и на карпата монтирана во училишниот двор, Ве информираме дека веднаш по добивањето на Вашата порака, од страна на Одделението за комунални работи на Општина Аеродром беа преземени активности за соодветно регулирање на тајмерот за осветлувањето на наведената локација. Меѓутоа, Ве информираме дека Општина Аеродром се соочува со проблеми поради тоа што определени лица самоиницијативно го менуваат времето за осветлување во постоечкиот механизам за регулирање, за што од страна на стручните служби во Општината соодветно се реагира во континуитет. Во врска со карпата поставена во училишниот двор на ОУ „Лазо Ангеловски“, Ве информираме дека Општина Аеродром ќе го запознае директорот на ОУ „Лазо Ангеловски“ со проблемот наведен во Вашата порака, а за преземените активности од страна на директорот ќе Ве информираме дополнително. Ви благодариме што го користевте ГСЦ

Назад