18.11.2013 во 10:50:04

Почитувана г-ѓа Христина Насевска, Во врска со Вашата порака доставена до Општина Аеродром преку Граѓанскиот сервис центар, а која се однесува на кадарот и условите во ООУ „Александар Македонски“, Ве информираме дека уписот на наведеното основно училиште во Централниот регистар на РМ е извршен согласно законските прописи и истото има статус на правно лице, а вработените се во редовен работен однос во училиштето, согласно Законот за основното образование и Законот за работните односи. Училиштето започна со работа на 01.09.2013 година, меѓутоа за да се обезбедат учебници од Министерството за образование и наука, потребно беше да се знаат конечните бројки на ученици. Поради тоа што на самиот почеток на учебната година, ученици од други основни училишта се префрлуваа во ООУ „Александар Македонски“, а со цел да не се изложуваат родителите на дополнителен трошок, училиштето обезбеди учебници на привремено користење од други основни училишта. Со оглед на тоа што во ООУ „Александар Македонски“ веќе се доставени учебниците од Министерството за образование и наука, учениците ќе бидат задолжени со новите учебници и ќе ги користат истите до крајот на учебната година. Исто така, Ве информираме дека постапката за издавање под закуп на училишната кујна во ООУ „Александар Македонски“ е завршена и се очекува кујната да отпочне со работа веднаш по спроведување на сите потребни контроли и проверки согласно законските прописи. Во врска со училишната спортска сала, Ве информираме дека во тек се активности за опремување на истата со кошеви, а од страна на училиштето тековно ќе бидат обезбедени и основни нагледни средства и спортска опрема, со цел да се овозможат подобри услови за изведување на наставата по физичко воспитание. Со почит, Општина Аеродром Ви благодариме, што го користевте граѓанскиот сервис центар на општина Аеродром.

Назад