12.11.2013 во 12:47:23

Почитувани, Почнувајќи од оваа учебна година мојот син посетува настава во ОУ Ѓоргија Пулевски.Бидејќи живееме во делот од населбата кај ТЦ Три бисери и секојдневно ја преминуваме улицата Васко Карангелески морам да алармирам на огромниот проблем што секојдневно го имаме при преминувањето на улицата.Возилата возат со огромна брзина и НИКОГАШ АМА БАШ НИКОГАШ во изминатиов период од неколку месеци не се почитува правилото на поминување на пешачки премин.Буквално се надмудруваме со возачите кога да преминеме и секогаш тоа е со ризик да бидеме прегазени.Мислам дека преминувањето на улицата без придружба на возрасен е незамисливо дури и за децата од погорните одделенија.Апелирам општината најитно да преземе мерки од своја надлежност за поставување барем на еден пешачки семафор на средината на улицата како би имало поголема сигурност и безбедност при преминувањето на истата.Доколку тоа не е во надлежност на општината да се апелира до градот или друга надлежна институција додека не се случила несреќа со сериозни последици.А ако не се интервенира за решавање на овој проблем не е прашање дали, туку кога ќе се случи такво нешто.

Статус: Одговорено
Тип на барање: останато