11.04.2014 во 15:42:29
Почитуван/а, Живеам во зградата на бул. „Видое С. Бато“ 8а (Реонки центар Аеродром). Веќе цела седмица во нашата зграда не функционира осветлувањето во заедничките делови, а не работат ниту лифтовите. Причината е едноставна - напојувањето со електрична енергија е исклучено од ЕВН Македонија поради неплатени сметки од страна на фирмата „Станбен сервис“. Поради истата причина, веќе повеќе од еден месец, зграда се „загушува“ во страшна нечистотија, затоа што не и е платено на фирмата која треба да ја одржува хигиената во зградата, со што се загрозува јавното здравје на станарите и посетителите во зградата. Ова е трет пат во период од една година, ние станардите кои редовно и во целост си ги исполнуваме нашите обврски кон фирмата - управител „Станбен сервис“, да се соочуваме со ваков вид проблеми кои серизоно го нарушуваат квалитетот на нашето домување. Ве молам и барам, како лојален граѓанин на оваа земја и жител на општина Аеродром, да преземете се што е во ваша законска надлежност (согласно Законот за домување) и да го санкционирате ваквото флагрантно кршење на законите од страна на „Станбен сервис“, со што воедно ќе го оправдате стекнатиот углед на најурбаната општина во Македонија. Исто времено, ве молам писмено (на e-mail) да ме известите што ќе преземете или сте преземале со цел да можам да ги испланирам моите идни чекори во насока на заштита на моите законски права како станар и граѓанин на Република Македонија, пред останатите надлежни државни и судски органи. Ви благодарам! Со почит, Гоце Пачемски бул. „Видое С. Бато“ 8а / 2 - 18, 1000 Скопје
Статус: Одговорено
Тип на барање: останато