06.08.2014 во 20:22:50
Почитувани, Ве молам да ја ревидирате вашата одлука за ригорозниот закон за шетање домашни кучиња. Имено сопственик сум на две мали кучиња малтезери за коишто сметам дека овој закон е премногу ригорозен. Не сум целосно против законот, навистина треба да постои некаков ред, но еве да тргнеме од почеток. Велите сите кучиња треба да се шетаат со заштитни маски. Не го поддржувам ова од проста причина што има кучиња како моите и како многу други мали, средни и големи раси коишто се тотално безопасни. Впрочен и јас не би го шетала своето куче без маска ако знам дека е опасно и дека може да гризне некој. Во врска со ова би додала и дека некои кучиња се многу стари (едното мое на пример има 9 години) и за нив би било тортура сега на овие години прв пат да им ставиме маски. Во таа насока предлагам да се ограничи носење маски само за оние кучиња коишто важат за опасни. Второ, во секоја држава сигурно и вие знаете кадешто е со закон одредено да се шетаат кучиња со поводници, постојат специјално обележани места-паркови каде е дозволено кучињата да се шетаат слободно пуштени. Куче си е куче и вие не можете цело време да го држите заврзано, тоа треба и да се истрча. И трето во врска со собирањето на изметот од кучињата, ве молам да ми одговорите каде точно треба да го фрлиме откако ќе го собереме во кесичка? јас каде што живеам не постои ниту една корпа за таа намена. Не е спорно да се воведе некаков закон, но да ги плашите луѓето со огромни парични казни, а притоа условите за спроведување на овој закон воопшто не се исполнети од ваша страна и кога ќе земете во предвид дека финансиската моќ ни е многу ниска за толкави казни, ми се чини дека треба да се направат некакви измени во законот. Во Америка дозволено е да се внесат кучињата дури и во продавници. Можете да приметите сигурно огромна разлика од тамошните закони и нашите овде. Ве молам да не ги изолираме животните од нашите животи и со градење згради да се оддалечуваме и од природата. Тоаш веќе животот ќе нема никаква смисла верувајте. Поздрав Ивана Трајковска
Статус: Решен
Тип на барање: останато
