13.05.2015 во 12:29:18
Во име на станарите на К.Ј.Питу бр.15, влез 1 (Скопјанка прв влез) сакам да пријавам непријатна миризба и загадување на амбиентален воздух од ресторанот кој работи во нашето приземје-Мезе Бар (МУНИЦИПИУМС ДООЕЛ) посебно од задната страна на зградата (со поглед кон Вардар). Имено со овој проблем се соочуваме веќе подолг период и по неколкукратните неуспешни обиди да заеднички со нив го надминеме овој проблем принудени сме во прва инстанца да се обратиме до вас на овој начин, а доколку и со ова не се реши проблемот подготвени сме да поднесеме и жалби до надлежните инпсекторати. Целосно е неприфатливо и неподносливо да не можеме да отвораме прозорци во овие пролетни и летни периоди поради непријатната миризба што се шири буквално по целата висина на зградата. За оваа цел апелираме до вас како општина и до вашите институции да ги преземете потребните мерки и извршите проценка на ситуацијата на лице место, увид во работата на Мезе-Барот и по потреба да ги ангажирате надлежните инспекторски служби. Со почит
Статус: Одговорено
Тип на барање: останато