24.11.2015 во 13:26:41
Почитувани. Како станари од зграда на ул.Фрањо Клуз 11Б ( спроти бензиска Макпетрол во Мичурин ), ве молиме да превземете соодветни мерки прописно да се уреди градилиштето непосредно до нашата зграда. Уште од самиот почеток на рушење на старите бараки и почнување со градба, градилиштето не беше уредено согласно законските прописи т.е. не беше оградено, расфрлано шут насекаде во околината, отворени струјни кабли и водоводни инсталации. Поради необезбеденото градилиште до кој непречено имаа пристап деца од околината, навистина е само среќна околност што досега не е дојдена до посериозна повреда и штета на околното население. Пред неколку дена е започнато со земјани ископи каде во градилиштето без претходно соодветно сообраќајно решение влегува тешка механизација. Механизацијата ( огромни камиони, багери и др.) влегуваат во градилиштето преку тратоар за пешаци, па дирекно низ изграден и обележан паркинг за автомобили на зградата и секој момент постои опасност од матријална штета за самите паркирани автомобили како и опасност од несреќни случаи за самото население. Затоа бараме Вашите инспекциски служби под ХИТНО да преземат соодветни мерки да небезбедното градилиште соодветно се уреди и да се направи соодветно безбедно сообраќајно решение за тешката механизација. Однапред благодариме Група граѓани -станари.
Статус: Одговорено
Тип на барање: останато