30.11.2015 во 10:36:47

Почитувани, Прашањата од анкетниот лист се однесуваат исклучиво на работата на локалната самоуправа и нејзините проекти. Секоја институција, особено локалната самоуправа, има право да го слушне мислењето на граѓаните и секоја општина има обврска да се грижи за тоа што мислат нејзините жители за она што таа го прави. Ова се прави со најдобра намера за да се испита мислењето на граѓаните, дали проектите што ги спроведува Општината се движат во правилна насока. Општина Аеродром и во изминатиот период правеше испитување на јавното мислење преку професионални агенции, но за да заштеди во општинскиот буџет, овој пат реши сама да ја направи анкетата со истите прашања од претходните прашалници со цел да заштеди финансиски средства. Оценето е дека најдобар начин е тоа да се направи преку училиштата, бидејќи поголемиот дел од проектите се од областа на образованието. Учениците не се инволвирани во оваа анкета, туку тие се само замолени да го предадат прашалникот на родителите, кои се очекува да дадат реално мислење и тоа исклучиво за работата на Општината. Прашалникот е анонимен, така што не се знае кој родител како одговорил. Прашањата се главно за проекти на Општината - дали на родителите им се допаѓа изградбата на спортските центри, што мислат за изградба на нови паркови, каков е нивниот став за новите градинки, што мислат за интонирање на химната во основните училишта.... Со почит, Општина Аеродром

Назад