07.12.2015 во 16:00:17
Со оглед на тоа што загадувањето во општинава е алармантно, особено во Ново Лисиче и Реонски Центар, мислам дека е време да преземете некои порадикални мерки за да се реши овој проблем. Гледам дека сте расчистиле некои диви депонии и браво за тоа, но треба да почнете да ги решавате илјадниците домови кои се топлат на најнееколошкиот и најнеефикасен начин - горење. Нема потреба да правите студии за тоа кој предизвикува 90% од загадувањето, бидејќи се осеќа по мирисот. За возилата е добро да се воведуваат повисоки еуро стандарди и да се стимулира јавен превоз, но сообраќајот е миноред дел од проблемот. Предложете вие како општина до Град Скопје, Владата итн, план за преминување на домовите кон поеколошки начини на затоплување, бидејќи нашата општина е најзасегната од цело Скопје. Планот треба да вклучува субвенционирање за домовите, изградба на гасоводна и парно мрежа, ригорозни казни за палење на материјали што не се предвидени за огрев и дефинирање РОК на пример од 5 години, после кој нема да смее да се користи согорувањето како начин на затоплување во цела скопска котлина. За ова ќе бидат потребни големи средства кои брзо ќе се вратат и од финансиски и од здравствен аспект. Сите останати мерки што ги правите иако добронамерни, се минорни за да се реши проблемот.
Статус: Одговорено
Тип на барање: останато
